Bugun,

  • USD 10940.05
  • RUB 182.26
  • EUR 11121.65

Turkiya bosh vaziri Rajab Tayip Erdo‘g‘on AQSh prezidenti Barak Oabama bilan boshqa gaplashmasligini bildirdi. U Suriya va G‘azo sektoridagi vaziyatlar yuzasidan paydo bo‘lgan kelishmovchilik tufayli Amerika yetakchisi bilan telefonda suhbatlashishdan voz kechdi. So‘nggi paytlarda Vashington va Anqara o‘rtasida ushbu masalalar bo‘yicha ziddiyat kuchayib ketdi, deb yozadi Vesti.ru.

Foto: usasabah.com

Foto: usasabah.com

Turkiya Suriya prezidenti Bashar Asadga nisbatan qattiqqo‘llik bilan munosabatda bo‘lib, suriyalik jangarilarni qo‘llab-quvvatlamoqda. AQShning Suriyadagi nizolarga harbiy aralashuvdan bosh tortganini turk hukumati “xoinlik” deb baholadi.

Shuningdek, Erdo‘g‘on AQSh Isroilga ko‘mak berayotganini tanqid qildi va G‘azo sektorida falastinliklar o‘ldirilayotganini “genosid” deb atadi.

“Avvallari to‘g‘ridan-to‘g‘ri Obamaga murojaat qilar edim. Biroq Suriya bo‘yicha kutgan natijalarimni ko‘rmayotganim uchun, endi u bilan tashqi ishlar vaziri muzokaralar olib boradi”, — dedi Erdo‘g‘on Turkiyaning ATV telekanaliga bergan intervyusida.

Erdo‘g‘on va Obama o‘rtasidagi so‘nggi telefon suhbati 20-fevral kuni bo‘lib o‘tgan. Uning aytishicha, Amerika vitse-prezidenti Jo Bayden bilan aloqani uzgani yo‘q va tez-tez telefonlashib turadi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak