Niderlandiyalik seysmolog Frank Hugerbitsning seysmik zonalarida 7-8 magnitudali kuchli zilzila bo‘lishi haqidagi prognozi o‘zini oqlamadi. Bu haqda iqlimshunos Erkin Abdulahatov ma’lum qildi.
Avvalroq 11—13-aprel kunlari sayyoraning seysmik zonalaridan birida 7-8 magnitudadan yuqori kuchli zilzila bo‘lish xavfi e’lon qilingan edi.
11—13-aprel kunlari dunyo bo‘ylab eng yuqori magnituda zilzila 6 magnitudaga ham yetmadi.
Zilzilalarni barvaqt ogohlantirish prognozlash usullaridan biri atmosferadagi tebranishlar bilan bog‘liq o‘zgaruvchilar allaqachon sayyoraga kelayotgan 3 kunlikda (11—13-aprel) kuchli zilzila bo‘lish belgilarini ko‘rsatgan edi, — dedi iqlimshunos.
Ma’lumot uchun, seysmolog Frank Hugerbits va uning jamoadoshlari mazkur usuldan foydalanib, 2023-yil Marokash va Turkiyadagi halokatli zilzilalarni oldindan prognoz qila olishgan edi.
Avvalroq 3-aprel kuni ertalab Tayvanda oxirgi 25 yil ichida sodir bo‘lgan eng kuchli zilzila orolni larzaga keltirdi. Xualyan okrugida mahalliy vaqt bilan 07:58 da 7,2 magnitudali yerosti silkinishlari sezilgan.
Seysmologlarning maʼlumotlariga ko‘ra, zilzila epitsentri orolning sharqiy qirg‘og‘ida, Xualyan shahridan 25 km janubi-sharqda bo‘lib, 15,5 km chuqurlikda joylashgan.
Zilzila Xitoyning sharqiy sohilidagi Futszyan va Szyansi provinsiyalarida ham kuchli sezilgan.
Izoh (0)