Bugun, 20-avgust kuni Prezident administratsiyasi rahbari Saida Mirziyoyeva Qirg‘iziston prezidenti administratsiyasi rahbari – Vazirlar mahkamasi raisi Adilbek Qasimaliyev bilan uchrashdi.
O‘zaro muloqotda ikki davlat prezidentlari tomonidan erishilgan kelishuvlarni to‘liq amalga oshirish masalasi muhokama qilingan.
“Mamlakatlarimizni birlashtirib turadigan eng asosiy jihat — bu mintaqada hamkorlik va qo‘shnichilikni mustahkamlashga qaratilgan umumiy intilishdir. Markaziy Osiyo — qo‘shnilar bir-birini qo‘llab-quvvatlaydigan umumiy uyimizdir va bunga yetakchilarimizning oqilona siyosatlari tufayli erishildi. Ochiq chegaralar, qo‘shma iqtisodiy loyihalar, suvdan foydalanish masalalarini hal etish — bizda umumiy mavzular juda ko‘p. Prezidentlarimiz tomonidan erishilgan kelishuvlarni to‘liq amalga oshirishda Prezident administratsiyalari yaqin hamkorlikda ish olib borishga kelishib oldik”, deb yozgan Saida Mirziyoyeva Telegramdagi kanalida.
Avvalroq O‘zbekiston Prezident administratsiyasi rahbari Qirg‘iziston prezidenti bilan uchrashgani xabar qilingandi.
Izoh (0)