Mashhur insonlar sahnada yoki jamoatchilik oldida doimo tabassum bilan yuradi, ammo shu tashqi jilva ortida murakkab hayoti va muammolari yashirinadi. Hatto ularning ayrimlari oilaviy zo‘ravonlik yoki jiddiy kelishmovchilik sabab ota-onalari bilan munosabatni butunlay uzishga majbur bo‘ladi.
Nastasya Samburskaya
38 yoshli aktrisa va teleboshlovchi Nastasya Samburskaya ota-onasi bilan muloqot qilishni xohlamasligini tan olgan. Buning sababi bolalikdagi travmalardir. Samburskayaning so‘zlariga ko‘ra, bolaligida otasi onasining ko‘z o‘ngida uni urar, ona esa uni himoya qilmas edi.
“Meni urgani uchun jahlim chiqardi. Bir kuni kechqurun do‘stlarim bilan ko‘chaga chiqdim, ichmadim, yigitlar bilan gaplashmadim, shunda otam uyga qaytganimda meni urishni boshladi. Men ham jim turmadim va baland ovozda baqirdim, shunda u to‘xtadi”, deb eslaydi Samburskaya.
Beyonse
Beyonsening otasi Metyu Noulz qizining unga bo‘lgan munosabatlarini buzishga harakat qilgan. U uzoq vaqt qizining menejeri bo‘lib, Destiny’s Child guruhini targ‘ib qilgan, unda Beyonse ham kuylagan.
Keyinchalik Metyu firibgarlik qilgan. U qo‘shiqchining pullarining bir qismini o‘zlashtirgan, so‘ngra Beyonse buni bilib, uni ishidan chetlatgan So‘ngra otasi qizining shaxsiy hayoti haqida oshkora intervyular berib, pul topgan. U qizi yoshini yashirganini, ortiqcha vazn va depressiya bilan kurashganini aytgan.
Vaqt o‘tib Beyonse otasi bilan munosabatlarni yaxshilashga harakat qilgan. Ammo Metyu qizi bilan muloqot qilishni istamagan.
Anjelina Joli
Anjelina Jolining otasi mashhur aktyor va “Oskar” sovrindori Jon Voyt. Anjelina bolaligida otasi oilasidan ajralib ketgan. Aktrisa buni hech qachon kechira olmadi, otasi esa unga nisbatan yomon munosabatda bo‘lgan. U ko‘plab intervyularda qizining ruhiy jihatdan sog‘lom emasligini, u davolanishi kerakligini aytgan. Bunga javoban Joli otasini o‘z farzandlari bilan aloqadan chetlab qo‘ydi.
Ota va qiz o‘rtasidagi munosabatlarga urinish 2017-yilda Bredd Pitt va Anjelina ajrashayotgan paytda yuz berdi. Voyt ba’zan qizi bilan birga ko‘rinib qolardi va yillar o‘tishi bilan uning qiziga bo‘lgan munosabati yaxshilanib borayotgani sezildi. Masalan, u qizini “yaxshi ona” deb atab, “uning uchun duo qilaman” degan.
Adel
Qo‘shiqchi otasi bilan bo‘lgan muammolarini 2017-yilda “Gremmi” mukofotini qabul qilish marosimida aytib berdi. Minnatdorlik nutqida u o‘zining haqiqiy menejerini otasi kabi ko‘rishini aytdi.
“Chunki men haqiqiy otamni hech qachon yaxshi ko‘rmaganman,” dedi Adel.
Otasi bilan munosabatlardagi muammolar yoshligidan boshlangan: otasi Adel juda kichkina bo‘lganida oiladan ketgan. U ichkilikbozligini tan olib, bu uning qizi bilan munosabatlariga to‘siq bo‘lganini aytgan.
Otasi Adelning shuhratidan foydalangan holda, intervyularda uning shaxsiy hayoti va ularning birgalikdagi o‘tmishi haqida gapirib, pul topishga harakat qilgan.
Makkoley Kalkin
“Uyda yolg‘iz” filmi yulduzi Makkoley Kalkin hozirda 44 yosh. Aktyorning otasi bilan janjali 90-yillarning o‘rtalarida yuz bergan. O‘shanda aktyorning ota-onasi Kit Kalkin va Patrisiya Brentrap o‘g‘lining mablag‘larini boshqarish huquqi uchun sudga murojaat qilgan.
Kalkin taxminan 35 million dollar ishlab topgan edi. Uning aktyorlik mahorati ko‘p tanqidga uchragan.
Nihoyat, aktyorning onasi turmush o‘rtog‘ini Makkoleyning karyerasini yo‘q qilganlikda aybladi. Otasi studiyalardan millionlab haq talab qilgan, natijada ular yosh yulduzdan yuz o‘girgan. Otasi bilan janjal yuz berga vaqtida Kalkin atigi 14 yoshda edi.
Makkoley yana qizil gilam ustida namoyishlarda ishtirok etadi va baxtli oilaviy hayot kechiradi. Ammo, oldinroq u spirtli ichimlikka qaramlik va taqiqlangan moddalar bilan shug‘ullanganini tan olgan.
Keyt Xadson
46 yoshli aktrisa Keyt Xadson ota-onasi bilan munosabatlarini uzadi. 2015-yilda otasi- Bill ommaviy ravishda o‘z farzandlari — Keyt va Oliverni “men uchun o‘lgan” deb e’lon qilgan. Keyinroq u qizidan o‘z familiyasini foydalanmaslikni talab qilgan.
Aslida, Keyt va uning ukasi Oliverni bolalikdan ularning bobosi aktyor Kurt Russel tarbiyalagan.
Bir teleko‘rsatuvda Keyt “otasini kechirganini” aytgan. Ammo shunga qaramay, u bilan qayta muloqot qilishni istamagan.
Demi Lovato
33 yoshli qo‘shiqchi va aktrisa Demi Lovato otasining zo‘ravonligi va ichkilikbozligi sabab oralari buzilganini aytgan. Intervyularda Lovato otasining spirtli ichimlik ta’sirida qattiq g‘azablanuvchi odam ekanligini tan olgan.
Qo‘shiqchining otasi 2013-yilda saraton kasalligidan vafot etgan, lekin ularning munosabatlari uning o‘limigacha tiklanmagan.
Izoh (0)