Turkiyaga chiqib ketgan o‘zbekistonlik yigit bedarak yo‘qolgani aniqlandi. Bu haqda mamlakatning Istanbul shahridagi Bosh konsulxonasi xabar berdi.
Ma’lum qilinishicha, yaqin qarindoshlarining murojaatiga ko‘ra, 2022-yil oktyabr oyida O‘zbekistondan Turkiyaga chiqib ketgan va bedarak yo‘qolgan 1999-yil Qashqadaryo viloyatida tug‘ilgan Norsaidov Doston O‘ktam o‘g‘li qidirilmoqda.
U to‘g‘risida ma’lumotga ega bo‘lgan fuqarolardan Istanbul shahridagi Bosh konsulxonaga (0212) 323-20-37 telefon raqami yoki uzbekconsul@yahoo.com orqali xabar berish so‘raldi.
Avvalroq Turkiyada 4 yildan buyon tutqunlikda saqlab kelingan o‘zbekistonlik ayol qutqarilgani haqida xabar berilgandi. Tashqi ishlar vazirligi orqali Qarshi shahridan 21 yoshli fuqaro o‘z onasining Istanbulga 4 yil oldin ketgani, 3 yildan beri aloqaga chiqmayotganini aytib, onasini topish va vatanga qaytarishda yordam so‘ragan. Turkiya qonunchiligiga binoan shaxsni erkiga xilof ravishda tutqunlikda saqlagani uchun turkiyalikka nisbatan jinoyat ishi qo‘zg‘atildi.
Izoh (0)