Ukraina prezidenti Vladimir Zelenskiy Rossiya bilan muzokaralarga tayyorligini tasdiqladi. Faqat Rossiya 12-may kuni o‘t ochishni to‘xtatishi kerak.
“Ruslar nihoyat urushni tugatish haqida o‘ylay boshlagani, bu yaxshi belgi. Dunyo buni allaqachon kutayotgan edi. Har qanday urushni real yakunlashdagi eng birinchi qadam – bu o‘t ochishni to‘xtatishdir. Hatto bir kunlik bo‘lsa ham qotilliklarni davom ettirishning ma’nosi yo‘q.
Biz Rossiyaning o‘t ochishni to‘liq, uzoq muddatli va ishonchli to‘xtatishini tasdiqlashini kutyapmiz. Bu 12-may, ertadan boshlab amalga oshishi kerak. Ukraina uchrashuvga tayyor”, degan prezident Zelenskiy.
Ma’lumot o‘rnida, Rossiya prezidenti Vladimir Putin Ukraina bilan to‘g‘ridan-to‘g‘ri muzokaralarni, hech qanday oldindan shartlarsiz, 2022-yilda to‘xtatilgan joyda — Istanbulda, shu yilning 15-may kuni qayta boshlashni taklif qilgan edi.
Izoh (0)