Украина президенти Владимир Зеленский Россия билан музокараларга тайёрлигини тасдиқлади. Фақат Россия 12 май куни ўт очишни тўхтатиши керак.
“Руслар ниҳоят урушни тугатиш ҳақида ўйлай бошлагани, бу яхши белги. Дунё буни аллақачон кутаётган эди. Ҳар қандай урушни реал якунлашдаги энг биринчи қадам – бу ўт очишни тўхтатишдир. Ҳатто бир кунлик бўлса ҳам қотилликларни давом эттиришнинг маъноси йўқ.
Биз Россиянинг ўт очишни тўлиқ, узоқ муддатли ва ишончли тўхтатишини тасдиқлашини кутяпмиз. Бу 12 май, эртадан бошлаб амалга ошиши керак. Украина учрашувга тайёр”, деган президент Зеленский.
Маълумот ўрнида, Россия президенти Владимир Путин Украина билан тўғридан-тўғри музокараларни, ҳеч қандай олдиндан шартларсиз, 2022 йилда тўхтатилган жойда — Истанбулда, шу йилнинг 15 май куни қайта бошлашни таклиф қилган эди.
Изоҳ (0)