Хитой Ташқи ишлар вазирлиги матбуот котиби Мао Нингнинг айтишича, Пекин Москва билан савдо-иқтисодий ҳамкорликка бошқалар аралашишига тоқат қилмайди. Унинг қўшимча қилишича, бу алоқалар бошқа давлатлар томонидан ҳам қораланмаслиги керак.
“Хитой АҚШни ‘оловга мой сепишни’ бас қилишга, Хитой ва Россия ўртасидаги нормал давлатлараро муносабатларни обрўсизлантиришни тўхтатишга ва айбни Хитойга юклашни бас қилишга чақиради”, — деди Мао Нинг.
Унинг қўшимча қилишича, Пекин Украина можаросида нейтрал позицияни сақлаб қолади ва муаммоларни сиёсий йўл билан ҳал қилишда конструктив рол ўйнашда давом этади. Унинг айтишича, Россия билан ҳамкорлик Хитой учун муҳим. Ҳозирда томонлар муносабатлари юқори даражага кўтарилган, чунки уларнинг ривожланиши икки давлат манфаатларига мос келади.
8 ва 9 апрель кунлари Россия ташқи ишлар вазири Сергей Лавров расмий ташриф билан Хитойда бўлди. Пекинда у Хитой ташқи ишлар вазири Ван И ва Хитой раиси Си Цзиньпин билан учрашувлар ўтказди. Россия президенти матбуот котиби Дмитрий Песков Лавровнинг сафарини олий даражадаги мулоқотларга тайёргарлик сифатида баҳолаш мумкин, деди.
Изоҳ (0)