Самарқанд вилояти Ургут туманидаги тоғда йўлдан адашган фуқароларга амалий ёрдам кўрсатилди, деб хабар беради вилоят ФВБ ахборот хизмати.
Қайд этилишича, 21 апрель куни соат 19:00 да Ургут тумани фавқулодда вазиятлар бўлимига икки нафар фуқаро Ургут туманидаги тоғларда дам олиш мақсадида чиқиб, йўлдан адашиб қолганини маълум қилиб, пастга тушиб олишда ёрдам сўраган.
Хабарга асосан, зудлик билан қидирув-қутқарув ишларига Ургут туман ёнғин-қутқарув қисмининг бир гуруҳ қутқарувчилари жалб қилинган. Қутқарувчилар томонидан олиб борилган қидирув-қутқарув ишлари натижасида 22 апрель куни соат 02:45 да фуқаролар “Аллаярон” тоғининг денгиз сатҳидан 1800 метр баландликдан топилган.
Ушбу фуқароларнинг хавфсизлиги таъминланган ҳолда тоғдан пастга олиб тушилган. Фуқароларнинг соғлиги яхши, уларга ҳеч қандай тан жароҳати етмаган.
Эслатиб ўтамиз, 2023 йил апрелда қутқарувчилар Тошкент вилоятининг Бўстонлиқ туманидаги тоғларда адашиб қолган тўрт кишига ёрдам берганди.
Изоҳ (0)