Андижон вилояти ИИБ Йўл ҳаракати хавфсизлиги бошқармаси Асака туманида пиёда иштирокида содир бўлган йўл-транспорт ҳодисаси юзасидан маълумот берди.
Қайд этилишича, 22 апрель соат 11:40 ларда 54 ёшли ҳайдовчи Х.И. ўзининг бошқарувида бўлган Nexia-3 русумли автомашинасида Асака тумани “Янги сор” МФЙ ҳудудидан ўтган Асака—Андижон автомобиль йўлида бошқариб кетаётиб, йўлнинг белгиланмаган жойидан кесиб ўтаётган 62 ёшли Ф.И.ни уриб юбориб, йўл-транспорт ҳодисаси содир этган.
ЙТҲ оқибатида пиёда Ф.И. тан жароҳати олиб шифохонага мурожаат қилган.
Аввалроқ Самарқанд ва Қашқадарёда юз берган ЙТҲ оқибатида икки пиёда ҳалок бўлгани тўғрисида хабар берилганди. Шунингдек, Жиззах вилояти Фориш туманида маст ҳолда бўлган Nexia-2 ҳайдовчиси йўл четидаги 20 ёшли пиёдани уриб юбориб, унинг ўлимига сабабчи бўлган эди.
Изоҳ (0)