БМТ Тараққиёт дастури Ўзбекистон ва ОАВ вакилларига антикоррупция стратегияларини ишлаб чиқишда ҳамда ҳуқуқий базани шакллантиришда ёрдам беради.
Бу ҳақда 10 сентябрь куни Тошкент шаҳрида бўлиб ўтган аксилкоррупция соҳасида Халқаро медиа форумида Акико Fujiи БМТ Тараққиёт дастурининг Ўзбекистондаги доимий вакили айтиб ўтди, дея хабар бермоқда “Дарё” мухбири.
Акико Fujiи хонимнинг айтишича БМТ Тараққиёт дастури мамлакатлар ва одамларни коррупцияга қарши курашишда ўз ёрдамини бериб келади.
Нега? Боиси қашшоқликни камайтириш жуда ҳам муҳим. Коррупция табиий ва иқтисодий ресурсларни камайишига ва ўз эгасига етиб бормаслигига олиб келади. Шунинг учун бой ва камбағал қатлам ўртасидаги фарқни камайтириш учун коррупция ҳолатларига йўл қўймаслик керак, деди БМТ Тараққиёт дастурининг Ўзбекистондаги доимий вакили.
Унинг алоҳида таъкидлашича, заиф одамлар қонун билан ҳимояланиши зарур.
Айнан шунинг учун ҳам бизда кучли қонун тизими бўлиши ва коррупция ҳолатларини олдини олиш борасида тартибга солувчи қоидалар ишлаб чиқилиши зарур.
Ташкилотимиз ҳукуматингизни ва ОАВ вакилларини антикоррупция стратегияларини ишлаб чиқиш, ҳуқуқий базани шакллантиришда ёрдам беради. Ўзбекистонда коррупцияни йўқотиш учун ҳамкорлигимиз давом этади, деди Акико Fujiи хоним.
Форумида иштирок этган Европа Иттифоқининг Ўзбекистондаги делегациясининг ҳамкорлик бўлими бошлиғи Вим Риэпма коррупция бор жойда ҳамма ютқазиши ёки жуда камчилик ютиб катта қисм мағлуб болиши ҳақида гапирган эди.
Изоҳ (0)