Халқ депутатлари Тошкент вилояти кенгаши 18 август куни вилоятдаги марказий иссиқлик таъминоти корхоналарининг иссиқ сув ва иситиш хизматлари бўйича янги тарифларини тасдиқлади.
Янги тарифлар вилоят “Иссиқлик таъминоти” МЧЖ, “Ангрен шаҳар иссиқлик таъминоти”, Чирчиқ шаҳар “Иссиқлик таъминоти” МЧЖ, “Олмалиқ шаҳар иссиқлик таъминоти” МЧЖлар томонидан истеъмолчиларга иссиқлик энергияси ва иссиқ сув таъминоти хизматлари тарифлари тақдим этилган хулосалари асосида 2025 йил 10 сентябрдан бошлаб қўлланилади.
Аҳоли учун нархлар жойлашувига қараб ўртача 10 фоизга, бюджет ташкилотлари ва улгуржи истеъмолчилар учун 8 фоиздан 95,3 фоизгача оширилади.
Қуйида иссиқ сув ва иситиш хизматлари тарифлари қандай ўзгариши ва амалдаги нархлар батафсил келтирилди.
Тошкент вилоятида иссиқ сув ва иссиқлик таъминоти нархлари бундан аввал 2025 йил февралидан ошган эди. Тошкент шаҳрида ҳам иссиқ сув ва иситиш хизматлари нархи оширилиши кутилмоқда. 2025 йил 1 октябрдан аҳоли учун 15 фоизга, юридик шахслар учун 40 фоизга, бюджет ташкилотлари учун эса 19 фоизга оширилиши режалаштирилган.
Тариф нархлари 2024 йилда вилоятларда бир маротаба Тошкентда эса икки маротаба оширилган.
Изоҳ (0)