Сўнгги бир йил ичида ўн минглаб исроилликлар урушдан қочиш мақсадида Исроилдаги уйларини тарк этишга қарор қилишди. Баъзи муҳожирлар шу йўл билан Исроил бош вазири Биньямин Нетаньяху сиёсатига норозилигини ҳам билдирмоқда. Бу ҳақда Euronews нашри хабар бермоқда.
Синтия эри ва фарзандлари билан Исроилни тарк этиб, Афинага жойлашди.
“Бундай қарор қабул қилишимнинг асосий сабаби - болаларим. Улар дунёдаги барча болалар каби нормал болаликка муносиб. Уларнинг уруш ҳақида ташвишланишларини, хавфсиз хонамиз борми, бомбардимон қилинмаймизми, деб сўрашларини ва огоҳлантириш сирена овозларини эшитишларини истамайман”, дейди исроиллик муҳандис.
10 мингдан зиёд исроиллик Грецияга, яна ўн минглаб киши Кипр ва Португалияга кўчиб ўтган.
Журналист Изар Беррининг таъкидлашича, Исроилда энди демократия йўқ ва Биньямин Нетаньяхунинг жангари ҳукумати уни Галилеяни тарк этишга мажбур қилган.
“Мен сўнгги икки-уч йил ичида барча намойишларда иштирок этдим. Бироқ бундан фойда бўлмади. Уларнинг мантиғини ҳеч нарса тўхтата олмайди. Умид қиламанки, қачондир можаро ҳал этилади ва муросага келинади”, дейди Берри.
Ашдод портида жойлашган транспорт компаниялардан бирининг бош директори 30 йил ичида биринчи марта бундай оммавий кўчиб кетишга дуч келганини билдирган.
Расмий маълумотларга кўра, 2024 йилда 82 мингдан ортиқ исроиллик мамлакатдан чиқиб кетган. Уларнинг аксарияти кўчмас мулкларини сотиб, Греция, Кипр ва Португалияга кўчиб ўтган.
Изоҳ (0)