Наманган вилояти Янгиқўрғон туманида 29 ёшли аёл ўзига бензин сепиб, ёқиб юборди. Бу ҳақда Бош прокуратура матбуот хизмати раҳбари Ҳаёт Шамсутдинов “Дарё”га маълум қилди.
Қайд этилишича, Янгиқўрғон туманида туғилган 29 ёшли Р.Қ. 10 июнь куни оилада юзага келган келишмовчилик туфайли яшаш уйи ҳовлисида ўзига бензин сепиб, ёқиб юборган.
Мазкур ҳодиса оқибатида аёл вафот этган. Ҳолат юзасидан Жиноят кодексининг 103-моддаси (ўзини ўзи ўлдириш даражасига етказиш) 1-қисми билан жиноят иши қўзғатилган.
Маълумотларга кўра, аёлнинг 4 нафар фарзанди бор, муқаддам судланмаган ва ҳеч қаерда ишламаган.
Эслатиб ўтамиз, 2023 йил апрель охирларида Тошкент шаҳридаги хонадонларнинг бирида эркак спиртли ичимлик таъсирида ўзини ёқиб юборгани тўғрисида хабар берилганди. Март бошларида бўлса, Андижон вилоятининг Жалақудуқ туманида яшовчи 23 ёшли келин адирлик ҳудудида ўзига бензин қуйиб, ёқиб юборган эди.
Изоҳ (0)