Namangan viloyati Yangiqo‘rg‘on tumanida 29 yoshli ayol o‘ziga benzin sepib, yoqib yubordi. Bu haqda Bosh prokuratura matbuot xizmati rahbari Hayot Shamsutdinov “Daryo”ga ma’lum qildi.
Qayd etilishicha, Yangiqo‘rg‘on tumanida tug‘ilgan 29 yoshli R.Q. 10-iyun kuni oilada yuzaga kelgan kelishmovchilik tufayli yashash uyi hovlisida o‘ziga benzin sepib, yoqib yuborgan.
Mazkur hodisa oqibatida ayol vafot etgan. Holat yuzasidan Jinoyat kodeksining 103-moddasi (o‘zini o‘zi o‘ldirish darajasiga yetkazish) 1-qismi bilan jinoyat ishi qo‘zg‘atilgan.
Ma’lumotlarga ko‘ra, ayolning 4 nafar farzandi bor, muqaddam sudlanmagan va hech qayerda ishlamagan.
Eslatib o‘tamiz, 2023-yil aprel oxirlarida Toshkent shahridagi xonadonlarning birida erkak spirtli ichimlik taʼsirida o‘zini yoqib yuborgani to‘g‘risida xabar berilgandi. Mart boshlarida bo‘lsa, Andijon viloyatining Jalaquduq tumanida yashovchi 23 yoshli kelin adirlik hududida o‘ziga benzin quyib, yoqib yuborgan edi.
Izoh (0)