Эҳтиёжманд оилалардаги хотин-қизларга ОТМларга киришга тавсиянома олиш учун аризалар қабули бошланган эди. Оила ва хотин-қизлар қўмитасининг маълум қилишича, 36 минг 853 нафар талабгор хотин-қиздан тавсиянома олиш учун аризалар онлайн қабул қилинган.
8-10 июнь кунлари туман (шаҳар) ишчи гуруҳлари томонидан аризалар Низом талаблари асосида кўриб чиқилиб, хулосалар берилган. Шунингдек, туман (шаҳар) оила ва хотин-қизлар бўлимлари томонидан талабгор хотин-қизларга тавсиянома бериш ёки тавсиянома беришни рад этиш тўғрисида буйруқлар расмийлаштирилган.
Оила ва хотин-қизлар қўмитаси томонидан тақдим этиладиган ҳужжатлар кўриб чиқилиб, талабгорларга тавсиянома бериш ёки тавсиянома беришни рад этиш тўғрисида қўмита раисининг 14 июндаги 81-сонли буйруғи қабул қилинган. Унга кўра республика бўйича жами 18 минг 481 нафар (50,1 фоиз) хотин-қизларга тавсиянома берилди, 18 минг 372 нафар (49,9 фоиз) талабгорга тавсиянома бериш рад этилган.
Шундан энг кўп тавсиянома Фарғона (2 120та), Самарқанд (2 014 та), Қашқадарё (1 848 та), Қорақалпоғистон Республикаси (1 623 та), Андижон (1 592 та) вилоятларида берилган. Туман (шаҳар)лар кесимида энг кўп — Қўшработ (270 та), Қува (262 та), Риштон(259 та), Ургут (255 та) Поп (239 та), Амударё (236 та), Қамаши (213 та), Ғузор (213 та), Жалақудуқ (212 та), Шеробод (212 та) туманларида.
Берилган тавсияномалар “Xotin-qizlar.uz” электрон платформасида мавжуд. Платформа маълумотлари Маълумотларни сақлаш ва қайта ишлаш марказига кўчирилгани боис, интеграция жараёнларида тегишли IP манзилларда ўзгариш юзага келган. Ҳозирда мазкур техник масалалар бартараф этилганидан сўнг, берилган тавсияномалар Билим ва малакаларни баҳолаш агентлигининг тегишли платформасига интеграция қилинади.
Аввалроқ эндиликда таълим кредити фақат кундузги таълимда ўқиётган талабаларга берилиши, Ўзбекистондаги тиббиёт ОТМларининг 200 нафар битирувчиси хорижда ўқитилиши тўғрисида хабар берилганди.
Изоҳ (0)