Самарқанд вилояти ИИБ Йўл ҳаракати хавфсизлиги бошқармаси Nexia транспорт воситаси танасини чиқариб олган бир аёл билан ҳаракатлангани юзасидан маълумот берди.
Ижтимоий тармоқларда Самарқандда катта тезликда кетаётган Nexiaъдан танасини чиқариб олган аёл видеоси тарқалди. Самарқанд вилояти ИИБ ЙҲХБ ходимлари томонидан олиб борилган суриштирув ишлари натижасида ушбу транспорт воситаси ва ҳайдовчиси топилган.
“Каттақўрғондан келаётган эдим. Йўлдан икки йўловчини миндирдим, улардан бири ойнадан танасини чиқарганини кўрмабман”, — дейди ҳайдовчи.
Унга нисбатан йўловчига тана қисмларини автомашинанинг олди ён ойна қисмидан чиқариб олганига шароит яратиб бергани учун ҳайдовчига нисбатан қонуний тартибда чоралар кўрилиб, ҳайдовчи билан тушунтириш ишлари олиб борилган.
Бундан олдин Қорақалпоғистондаги тўйда танасини машинадан чиқариб тасвирга олган операторлар ва ҳайдовчи жаримага тортилган эди. Шунингдек, Андижонда 20 ёшли қиз машинадан танасини чиқариб ҳаракатлангани, Самарқандда ҳаракатланаётган Gentra’дан танасини чиқариб, сохта доллар сочган йигитларга чора кўрилгани тўғрисида хабар берилганди.
Изоҳ (0)