Тошкент шаҳрида БМТнинг Озиқ-овқат ва қишлоқ хўжалиги ташкилоти (FAO) ва Аҳолишунослик жамғармаси (UNFPA) томонидан амалга оширилаётган “Қирғизистон ва Ўзбекистоннинг чегарадош ҳудудларида ҳамкорлик орқали умумий фаровонлик” лойиҳаси якунига этди. Бу ҳақда “Дарё” мухбири хабар бермоқда.
Лойиҳа 2022 йил июнь ойида бошланган бўлиб, БМТ Бош котибининг Тинчлик қуриш жамғармаси томонидан молиялаштирилиб, Фарғона водийси орқали ўтувчи чегаранинг ҳар икки томонида яхши қўшничилик муносабатларини мустаҳкамлашга қаратилган. У Қирғизистоннинг Жалолобод ва Ўш вилоятларини, шунингдек, Ўзбекистоннинг Наманган ва Андижон вилоятларини қамраб олган.
Унда 700 нафардан ортиқ кишининг, 66 та ўз-ўзига ёрдам гуруҳлари (ШГ) ташкил этилган. Гуруҳлар ривожлантиришга 131 минг 872 доллар ажратилган. Ушбу гуруҳ иштирокчиларининг 90 фоизи аёллардир.
Гуруҳлар 5-6 кишидан иборат бўлиб, ишлаб чиқариш маҳсулотини ўзаро келишган ҳолда вазифаларни тақсимлаб амалга оширади. Масалан, сут ва сут маҳсулотлари ишлаб чиқарувчи гуруҳ аъзолари бир хонадонда йиғилиб, бири маҳалладан сут йиғса, бири уни қайта ишлайди, яна бири эса маҳсулотларни қадоқлайди. Даромад ўзаро тенг тақсимланади.
Маҳсулот ишлаб чиқариш техникаларини сотиб олиш учун лойиҳа доирасида пул ажратилган. Координаторлар гуруҳларда гуруҳ бўлиб ишлаш бўйича тушунтириш бериб борган.
Изоҳ (0)