Андижон вилоятининг Пахтаобод туманида йўлни кесиб ўтаётган пиёдани Lacetti уриб кетди. Ҳолат акс этган видео ижтимоий тармоқларда тарқалди.
Вилоят Йўл ҳаракати хавфсизлиги бошқармаси матбуот хизматининг маълум қилишича, ҳолат 13 май куни соат 15:00 лар атрофида, Пахтаобод тумани “Тўпабжувоз” МФЙ ҳудудидан ўтган автомобиль йўлида содир бўлган.
Ҳайдовчи Х.Ж. Lacetti’ни тартибга солинган чорраҳада светофорнинг яшил чироғида бошқариб кетаётиб, пиёдалар йўлакчасидан югуриб ўтаётган 1983 йилда туғилган Б.Д.ни уриб юборган.
Оқибатда пиёда “ўнг оёқ болдир суягининг ёпиқ синиши” билан боғлиқ тан жароҳати олган.
Ҳозирда ушбу ҳолат юзасидан туман ИИБ Тергов бўлими томонидан суриштирув ишлари олиб борилмоқда.
Изоҳ (0)