Ўзбекистонда қишлоқ хўжалигига мўлжалланган ер участкалари ижарачиларига ижарага берилган ер участкалари бўйича ўз ҳуқуқ ва мажбуриятларини бошқа шахсга ўтказишга, яъни қайта ижарага беришга рухсат берилди.
Бу “Қишлоқ хўжалигида ердан фойдаланиш самарадорлигини ошириш ва маҳсулот етиштириш ҳажмини кўпайтириш бўйича қўшимча чора-тадбирлар тўғрисида”ги президент қарорида белгиланди. Ушбу қарор кучга киргунга қадар ижарага берилган қишлоқ хўжалиги ерлари бўйича ижара муддатига тенг тақсимланадиган қўшимча тўловлар ёки ижарага олиш ҳуқуқини бўлиб-бўлиб тўлаш бўйича тўловлардан муддати ўтган қарздорлиги бўлган ижарачиларга:
- ер участкасидан ўзи фойдаланган муддатдан қатъи назар, туман ҳокими иштирокида уч томонлама шартнома асосида ерга бўлган ҳуқуқлари ва мажбуриятларини, шу жумладан, қўшимча тўловлар ва бўлиб-бўлиб тўлаш бўйича тўловларни тўлаб бориш бўйича мажбуриятини бошқа шахсга ўтказиш (қайта ижарага бериш) ҳуқуқи берилади;
- агар улар деҳқон хўжалиги юритиш учун ер участкаларини олиш бўйича 2022 йил 1 январдан 2023 йил 15 апрелга қадар ўтказилган очиқ электрон танловларда ғолиб бўлган “темир дафтар”, “аёллар дафтари”, “ёшлар дафтари”га киритилган фуқаролар ва меҳнат мигрантлари бўлса, ижара муддатига тенг тақсимланадиган қўшимча тўловлар миқдори ушбу ер участкаси норматив қийматининг бир баробарига, бошқа шахслар учун эса тўрт баробарига тенг миқдорда белгиланади.
Президент қарорига кўра, суд ҳужжатлари ва бошқа органларнинг ҳужжатларини ижро этишда ундирувчи қарздорнинг қишлоқ хўжалигига мўлжалланган ер участкасини узоқ муддатга ижарага олиш ҳуқуқига қаратишда қуйидаги соддалаштирилган тартиб жорий этилади:
- ундирувни ижара ҳуқуқига қаратиш учун туман (шаҳар) ҳокимининг — ижарага берувчининг розилиги талаб этилмайди;
- ижара ҳуқуқини баҳолаш талаб этилмайди, давлат ижрочиси ваколатли ташкилотлардан ер участкасининг норматив қийматини аниқлаб, унга тенг бўлган бошланғич нарх миқдорини мулкий ҳуқуқни хатлаш далолатномасида кўрсатади;
- электрон онлайн аукцион савдолари нарижалари тўғрисидаги баённома ер ижараси шартномаси бўйича ҳуқуқлар ва мажбуриятлар қолган муддақтга қарздордан аукцион ғолибига ўтганини — қайта ижарани давлар рўйхатидан ўтказиш учун асос ҳисобаланади.
Давлат раҳбарининг ушбу қарори билан юқори ҳосил олган фермерлар энди уч карра кам ер солиғи тўлайди.
Изоҳ (0)