Сурхондарё вилояти Шеробод туманида жойлашган қўриқхонада 2 кун олдин бошланган ёнғин ҳамон давом этаётгани ҳақида хабарлар тарқалди. Фавқулодда вазиятлар вазирлиги буни рад этди.
-vy3vMoOs.avif)
Сурхон давлат қўриқхонасига қарашли 5 гектар майдонда йирик ёнғин 23 июль куни содир бўлганди. ФВВ ёнғин 24 июль кунига ўтар кечаси соат 00:35 да ўчирилганини маълум қилганди.
“Айни вақтда ёнғин бартараф этилган ҳудуднинг айрим жойларида шох-шаббалар қолдиқларидан тутун чиқиши ҳолатлари кузатилмоқда. Ушбу ҳолат ёнғиннинг қайтадан рўй беришига олиб келмайди”, дейилади вазирлик муносабатида.

Қайд этилишича, мазкур ҳолат Фавқулодда вазиятлар вазирлиги ва тегишли ташкилот ходимлари томонидан тўлиқ назоратга олинган. Айни дамда ёнғиннинг қайтадан рўй беришини олдини олиш мақсадида юқорида айтиб ўтилган ташкилотлар томонидан профилактик тадбирлар амалга оширилмоқда.
Изоҳ (0)