Ижтимоий тармоқларда Тошкент вилоятининг Пискент туманидаги Қирққизобод қишлоғида оч бўрилар кезиб юргани ҳақида видео тарқалди.
Тошкент вилояти Экология бошқармаси матбуот хизмати тегишли ташкилотлар билан биргаликда ишчи гуруҳ тузилиб, ўрганиш ишлари олиб борилаётганини билдирди.
Туман ҳокимлиги матбуот хизматининг маълум қилишича, Қирққизобод тоғли ҳудудда жойлашгани сабабли ҳар йили қиш мавсумида қор ёғиши оқибатида ёввойи ҳайвонлар, жумладан, бўрилар ҳам қишлоқларга келиши кузатилади.
24 декабрь куни ёввойи ҳайвонларни тутувчи махсус гуруҳ ҳудудга жалб этилди. Ҳозирда бўриларни қидириш ва уларни зарарсизлантириш ишлари олиб борилмоқда. Тутилган бўриларнинг табиий муҳитига яқин шароит яратиш мақсадида ҳайвонот боғига юбориш режалаштирилган.
Қайд этилишича, ҳозиргача аҳолига ҳеч қандай зарар етмаган.
Изоҳ (0)