Трамп Канадани АҚШнинг 51-штатига айлантириш билан таҳдид қилди

АҚШнинг сайланган президенти Дональд Трамп агар Канада ноқонуний миграция ва гиёҳванд моддалар контрабандаси ҳал қилмаса, у АҚШнинг 51-штатига айланиши мумкинлигини айтди. Бу ҳақда Fox News хабар берди.

Трамп мазкур баёнотини Канада бош вазири Жастин Трюдо билан учрашувда айтган. У Канада товарларига импорт божини киритиш билан ҳам огоҳлантирган.

Трамп агар Канада АҚШга ноқонуний муҳожирлар оқимини ҳал қилмаса, ўз инаугурацияси кунидаёқ (20 январь) барча Канада товарларига 25 фоиз миқдорида импорт божини жорий этиш билан таҳдид қилди. Шунингдек, у савдо тақчиллигини камайтириш зарурлигини таъкидлади. Трюдо бундай чоралар Канада иқтисодиётини вайрон қилишини айтгач, Трамп Канада, эҳтимол, АҚШнинг 51-штатига айланиши мумкинлигини билдирди, деб хабар бермоқда Fox News.

HAHAHAHAH HOLY SH!T

Trump told Trudeau that if Canada can’t survive without ripping off the US, then perhaps they should be annexed

pic.twitter.com/XnvtjqAB73

— End Wokeness (@EndWokeness) December 3, 2024

Шунингдек, Трамп Трюдо “АҚШнинг 51-штати губернатори бўлиши мумкин эди” дея қўшимча қилган. Республикачининг баёноти Канада бош вазирининг “асабий жилмайишига”га сабаб бўлгани айтилмоқда.

Трюдо 30 ноябрь куни Канада, Хитой ва Мексикадан келтирилаётган товарларга янги божлар жорий этиш масаласини муҳокама қилиш учун Флоридага учиб келганди. АҚШнинг сайланган президенти ўз навбатида бу учрашувни “самарали” деб баҳолаган.

Трамп учта давлат товарларига божлар жорий этмоқчи

АҚШнинг сайланган президенти Мексика ва Канада товарларига 25 фоизлик, Хитойникига эса 10 фоизлик бож жорий этишини айтди. Қарор ноқонуний мигрантлар оқими ва гиёҳванд моддалар контрабандаси билан боғлиқ.

20 январдан бошлаб Мексика ва Канаданинг барча товарларга 25 фоизлик тариф жорий этиш тўғрисидаги фармонни имзолайман. Ушбу тариф гиёҳванд моддалар, айниқса, фентанил ва ноқонуний мигрантлар мамлакатимизга бостириб киришни тўхтатмагунча ўз кучида қолади, деган Трамп.

У АҚШга асосан Мексика орқали фентанил олиб келинадиган Хитой учун 10 фоизлик бож жорий этишни режалаштираётганини айтган. Сиёсатчи Хитой расмийлари ҳар қандай гиёҳванд моддалар савдогарлари учун ўлим жазосини ваъда қилгани, аммо ваъдаларини бажармаганини эслатган.