Ўзбекистон ОТМларида 2024/2025-ўқув йили учун суперконтракт миқдорлари тасдиқланди. Бу ҳақда Олий таълим, фан ва инновациялар вазирлиги хабар берди.
![](/static/2024/08/29/pul-Izsd99A2.jpg)
2024/2025-ўқув йили қабулида бакалавриат таълим йўналишларига кириш имтиҳонлари натижаларига кўра тўплаган баллари тасдиқланган тўлов-контракт доирасида қабул параметрлари чегарасига 4,05 баллдан ортиқ етмаган, 56,7 баллдан кам бўлмаган ҳолда, қўшимча равишда ўқиш истагини билдирган абитуриентларнинг биринчи ўқув йили учун амалда белгиланган базавий тўлов-контракт миқдорларига нисбатан табақалаштирилган тўлов-контракт қийматининг минимал миқдори тасдиқланди.
![](/static/2024/08/29/kn-7ARl3xuL.jpg)
Бунда, суперконтракт миқдори йўналишларга қараб фарқланади. Миқдори нисбатан паст бўлган йўналишларга археология, кимё, география, физика, математика, энергетика муҳандислиги кабилар киради. Бу йўналишларда табақалаштирилган тўлов-контракт миқдори базавий тўлов-контракт миқдорининг 6 бараварини ташкил этади.
![](/static/2024/08/29/kn1-zUidATki.jpg)
Энг “қиммат” соҳаларга эса базавий тўлов-контракт миқдорининг 19 баравари белгиланган. Бундан йўналишларга юриспруденсия ҳамда давлат ва жамият бошқаруви киради.
Шунингдек, табақалаштирилган тўлов-контракт қийматини 2024 йил 15 октябрга қадар тўлиқ тўлаган абитуриентларга 10 фоизли чегирма берилади.
![](/static/2024/08/29/kn2-CShh0mlF.jpg)
![](/static/2024/08/29/kn3-1g4OaxgR.jpg)
![](/static/2024/08/29/kn4-Yb2kyg2Z.jpg)
Аввалроқ Ўзбекистон ОТМларида 2024/2025-ўқув йили учун тўлов-контракт миқдорлари эълон қилинганди. Молиявий мустақиллик берилган давлат олий таълим муассасалари белгиланган тартибга мувофиқ 2024/2025-ўқув йилида қабул қилинган талабалар учун тўлов-контракт миқдорларини мустақил белгилаш ҳуқуқига эга.
Стипендияли тўлов-контракт миқдори амалдаги стипендия миқдорини 12 ойга кўпайтирилган ҳолда қўшиб ҳисобланади.
Президент фармонларига мувофиқ ўқув йили давомида стипендия миқдори оширилганда, бир талабани стипендияли ўқитиш қиймати миқдори стипендиянинг янги миқдоридан келиб чиқиб, ўқув йили охиригача оширилади.
Изоҳ (0)