Президент Шавкат Мирзиёев давлат ташрифи билан Қозоғистонга келди. Бу ҳақда Президент матбуот хизмати хабар берди.
![](/static/2024/08/07/1-lLYXNapD.jpg)
Остона халқаро аэропортида давлат раҳбарини Қозоғистон Республикаси президенти Қосим-Жўмарт Тўқаев кутиб олди.
![](/static/2024/08/07/2-5gcyaVr1.jpg)
Эртага икки мамлакат етакчилари раислигида Олий давлатлараро кенгашнинг биринчи мажлиси бўлиб ўтади.
![](/static/2024/08/07/3-RELcRe-o.jpg)
Музокаралар чоғида Ўзбекистон—Қозоғистон стратегик шериклик ва иттифоқчилик муносабатларини чуқурлаштириш, сиёсат, савдо-иқтисодиёт, инвестиция, транспорт-коммуникация, энергетика, қишлоқ хўжалиги ва маданий-гуманитар соҳалардаги ҳамкорликни кенгайтириш масалалари атрофлича муҳокама қилинади.
![](/static/2024/08/07/4-QDAAEwOu.jpg)
Дастурга мувофиқ, Марказий Осиё давлатлари раҳбарларининг Маслаҳат учрашуви ва “Марказий Осиё + Япония” форматидаги мулоқотда иштирок этиш ҳам режалаштирилган.
![](/static/2024/08/07/5-tczLqQPR.jpg)
Изоҳ (0)