Оттава Бирлашган мамлакатлар ташкилотида Фаластин давлатини тан олишга эришмоқчи. Бу ҳақда Канада ҳукумати раҳбари Марк Карни Х ижтимоий тармоғидаги саҳифасида маълум қилди.
“Канада Исроил ва Фаластин аҳолиси учун тинчлик ва хавфсизликни кафолатлайдиган икки давлат тамойилини қўллаб-қувватлайди”, дейди Карни.
Шунингдек, у Оттава “барча ташкилотларда, шу жумладан БМТдаги ташқи ишлар вазирлари учрашувидаги конференцияда ҳам ушбу мақсадга эришиш учун фаол иш олиб боришини” таъкидлаган.
Бош вазирнинг қўшимча қилишича, Канада Исроил ҳукуматининг Ғазо секторидаги инсонпарварлик вазиятининг тез ёмонлашувининг олдини олишга қодир бўлмаганлигини қоралайди.
Бундан аввал Франция президенти Эммануэл Макрон 2025 йил сентябрида Фаластин давлатчилигини тан олиш ниятини эълон қилган эди. Исроил бош вазири Биньямин Нетаньяху эса ўз мамлакати бу қадамни кескин қоралашини ва Фаластин давлатининг ташкил этилишини ўз хавфсизлигига таҳдид сифатида кўраётганини билдирди.
Фаластин давлатини 147 та мамлакат тан олган, АҚШ улар қаторига кирмайди. 2024 йилда АҚШ Фаластиннинг БМТга тўлақонли аъзо бўлишига вето қўйди. 2024 йилдан бошлаб Фаластинни ўнта давлат, жумладан, Ирландия, Норвегия, Испания ва Арманистон тан олди.
Изоҳ (0)