Москванинг “ЦСКА” клуби раҳбарияти ўзбекистонлик футболчи Аббосбек Файзуллаевни таркибда сақлаб қолиш учун фаол ҳаракат қилмоқда. Бу ҳақда журналист Иван Карпов хабар берди.
Манбага кўра, 21 ёшли футболчи “ЦСКА”нинг асосий ўйинчиларидан бири бўлиб, янги бош мураббий Фабио Челестининг унга катта умид боғланган. Шу сабабли клуб раҳбарияти ҳозирча футболчини сотишга тайёр эмас.
Аввалроқ оммавий ахборот воситаларида Туркиянинг “Истанбул Башакшеҳир” клуби Файзуллаевга қизиқиш билдираётгани ҳақида хабарлар тарқалган эди. Бироқ ҳозиргача “ЦСКА” турк клуби томонидан расмий таклиф олмаган. Аммо яқин кунларда бундай таклиф келиши эҳтимоли юқори.
Бундай ҳолатга тайёрланаётган Москва жамоаси футболчининг ўрнини тўлдириш учун бир нечта вариантларни кўриб чиқмоқда. Агар Файзуллаев москваликлар сафини тарк этадиган бўлса, клуб “Ростов” футболчиси Иван Комаровни сотиб олиш бўйича музокара бошлайди.
Маълумот учун, Аббос Файзуллаев 2024/25 йилги мавсум Россия Премьер Лигаси доирасида 27 ўйинда майдонга тушиб, ўз ҳисобига 2 та гол ва 4 та голли узатма ёздириб қўйди.
Изоҳ (0)