Тошкент вилояти Янгийўл туманида сўмлик электр энергиясидан ноқонуний фойдаланган савдо дўкони ва автомобилларни ювиш шохобчаси аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Янгийўл туман бўлими томонидан терговга қадар текширув ўтказилган. Текширув давомида ЯТТ Ж.Д. туман электр таъминоти корхонаси собиқ муҳандиси О.Т. билан ўзаро тил бириктириб, “Навбаҳор” МФЙ ҳудудидаги савдо дўкони ва автомобилларни ювиш шохобчасида умумий фойдаланишдаги электр тармоғига тижорат мақсадида ўзбошимчалик билан уланиб, давлат ва жамият манфаатларига 544,8 миллион сўм зарар етказгани аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Аввалроқ Ўзбекистонда бир ойда 234,7 миллиард сўмлик энергия ресурсларидан ноқонуний фойдаланилгани аниқлангани тўғрисида хабар берилганди.
Изоҳ (0)