Иқтисодиёт ва молия вазирлиги 22 август куни “Ташаббусли бюджет”нинг 2024 йилги 2-мавсуми доирасида овоз бериш босқичи бошланганини эълон қилди.
![](/static/2024/08/22/photo_2022-04-15_16-22-04-OSb0SpC0.jpg)
Овоз бериш жараёнлари 31 август соат 23:59 га қадар — 10 кун давом этади.
Фуқаролар қуйидаги усуллардан бири орқали овоз бериши мумкин:
- “Очиқ бюджет” порталининг веб-саҳифаси;
- порталнинг мобил иловаси Android ва iOS ;
- Telegramдаги расмий бот ёрдамида.
Сенат кенгаши қарори билан мажбурий овоз беришга жалб этиш ҳолатларини олдини олиш мақсадида овоз бериш босқичи муддати 10 кунга камайтирилди.
Барча маҳаллалар учун ғолиб бўлиш имкониятини яратиш мақсадида ташаббусли бюджет доирасида сўнгги мавсумларда кетма-кет икки маротаба ғолиб деб топилган маҳаллалар (ташкилотлар) учун навбатдаги иккита мавсум доирасида лойиҳа киритиш имконияти чекланади.
Лойиҳаларнинг амалга оширилишини доимий назорат қилиб бориш ва мониторингини кучайтириш мақсадида “Очиқ бюджет” ахборот порталида сайёр мониторинг бўлими ишга туширилади.
Шунингдек, овоз бериш жараёни давомида фуқаролар томонидан шикоятлар келиб тушса, тегишли туман (шаҳар) Халқ депутатлари кенгашига тақдимнома юборилиши ҳамда ҳолат ўз тасдиғини топганда мажбурий овоз тўпланган лойиҳаларни овоз бериш босқичидан четлатиш ёки ғолиблар рўйхатидан чиқарилиши белгиланди.
Изоҳ (0)