11 июль куни Ироқ Шимолидаги Жасана ғорида Курдистон ишчилар партияси (ПКК) азъолари томонидан оммавий равишда қурол-яроғ ёқиб юбориш маросими бўлиб ўтди. Бу Туркияга қарши урушни тўхтатиш йўлидаги биринчи қадамнинг рамзи сифатида баҳоланмоқда.
Маълумотларга кўра, ушбу ҳаракат ПККнинг 12 май куни ўзини-ўзи тарқатиб юбориш ҳақидаги эълони ва Туркия ҳукумати билан музокаралар доирасида бўлиб ўтган.
Қуролларини ташлаган ПКК аъзолари ўзларини “тинчлик ва демократик жамият гуруҳи” деб атаган. Уларнинг ёзма баёнотида шундай дейилади:
“Биз эркинлик, демократия ва социализм учун демократик сиёсат ва ҳуқуқ, демократик интеграцияга оид қонунлар қабул қилиш йўли билан курашиш учун ўз ихтиёримиз билан қуролларимиздан воз кечамиз”.
Музокараларнинг бошланишига туртки берган нарса — Туркия қамоқхонасида умрбод қамоқ жазосини ўтаётган гуруҳ асосчиси ва мафкурачиси Абдулла Ўжаланнинг можарога барҳам беришга қаратилган оммавий чақириғи бўлди.
Қуролсизланиш жараёни бир неча ой ичида якунланиши кутилмоқда.
Туркия президенти Ражаб Тоййиб Эрдўғон ПКК қарорини олқишлади. Туркия матбуоти шанба куни эрталаб давлат раҳбари “тарихий нутқ” билан чиқишини ёзмоқда.
Изоҳ (0)