“Манчестер Сити” ярим ҳимоячиси Жеймс Макейти Англия Премер Лигасининг бошқа клублари эътибор марказида турибди. Sky Sports нашрининг хабарига кўра, 22 ёшли футболчига “Ноттингем Форест” ва “Кристал Пэлас” клублари қизиқиш билдирмоқда.
Манбага кўра, “шаҳарликлар” ўз тарбияланувчисининг қийматини камида 29 миллион еврога баҳоламоқда. Клуб футболчини ёзги трансфер ойнасида сотишга тайёр экани ҳақида аввалроқ ҳам хабарлар тарқалган эди.
Шунингдек, Макейтига Германия Бундеслигаси ва Италия А Сериясининг бир қатор клублари ҳам қизиқиш билдирмоқда. Хусусан, Италиянинг “Аталанта” клуби футболчи атрофидаги вазиятни яқиндан кузатмоқда.
Макейти ўтган мавсумда “Манчестер Сити”нинг барча мусобақалар доирасидаги 27 та ўйинида майдонга тушиб, 7 та гол муаллифига айланган. Унинг клуб билан шартномаси 2026 йил ёзига қадар амал қилади. Transfermarkt портали футболчининг бозор қийматини 20 миллион евро атрофида баҳоламоқда.
Эслатиб ўтамиз, аввалроқ “Манчестер Сити”нинг ўзбекистонлик футболчиси Абдуқодир Ҳусановга “Манчестер Юнайтед” томонидан қизиқиш борлиги ҳақида хабарлар тарқалган эди. Шунингдек, жамоа томонидан қишки трансфер ойнасида харид қилинган Нико Гонсалес ҳам клуб сафини тарк этиши мумкинлиги билдирилган.
Изоҳ (0)