Тошкент шаҳри, Сергели туманида 4 август куни 2009 йилда туғилган, вояга етмаган С.Х. уйнинг 5-қаватидан ўз эҳтиётсизлиги оқибатида ерга тушиб кетган. Бу ҳақда Бош прокуратура матбуот хизмати “Дарё”га хабар берди.
![](/static/2024/08/07/дом-3na6nGXC.jpg)
Бола тез тиббий ёрдам машинасида РШТЁИМга олиб келинган. Бироқ унга кўрсатилган тиббий муолажаларга қарамасдан, вафот этди.
Бундан ташқари, марҳум 2-гуруҳ ногирони бўлгани, шунингдек, ақли заифлиги сабабли руҳий асаб касаллар диспансерида рўйхатда тургани маълум бўлди.
Ҳозирда Сергели туман прокуратураси томонидан терговга қадар текширув ҳаракатлари ўтказилмоқда.
Изоҳ (0)