Тошкент шаҳрига кириб келаётган Lacetti русумли автомашинада тақиқланган модда борлиги аниқланди. Бу ҳақда Тошкент шаҳар ИИББ ЙҲХБ ахборот хизмати хабар берди.
Маълум қилинишича, 7 август куни соат 02:00 ларда Чилонзор туманига хизматга жалб қилинган ЙПХ инспектори сержант Р.Ғофуров ва Кинология сафдор ходими К.Ўроловлар томонидан Lacetti русумли автомашина тўхтатилиб, текширилганда ҳайдовчи М.К. исмли шахснинг кўриниши ва хатти-ҳаракатлари ходимларда шубҳа уйғотган.
Холислар иштирокида текширилганда автомашина салонидан жигарранг, ўткир ҳидли мумсимон модда топилган.
Мазкур ҳолат юзасидан тегишли ҳужжатлар расмийлаштирилиб, ҳайдовчи ҳамда аниқланган модда Чилонзор тумани ИИО ФМБга топширилган.
Изоҳ (0)