Варшавада ўзбекистонлик йигит 15 ёшли украиналик икки ўсмирга пичоқ билан ҳужум қилгани айтилмоқда. Бу ҳақда Gazeta Wyborcza хабар берди.
Воқеа 22 июль куни Бродно боғида содир бўлган. Ўсмирлар касалхонага ётқизилган. Уларнинг аҳволи ҳақида маълумот йўқ.
“26 ёшли хорижлик 15 ёшли икки нафар йигитни пичоқлаган, жабрланувчилар шифохонага олиб кетилган. Уларнинг қандай ҳолатда эканини айта олмайман. Ўша ерда полициячилар ишламоқда. Биз ҳодиса ҳолатларини аниқлаймиз ва ҳужум мотивларини тушунтирамиз. 26 ёшли эркак ҳибсга олинган”, дейди Варшава полиция бош бошқармаси вакили.
Норасмий маълумотларга кўра, 26 ёшли эркак Ўзбекистон фуқароси бўлган. Польша радиосининг хабар беришича, украиналик ўсмирлар қўл ва қорин қисмидан жароҳат олган. Уларга ҳужум қилган эркак қочиш вақтида буюмларини йўқотиб қўйган, бу эса полицияга уни тезда топиш имконини берган.
Изоҳ (0)