Коррупцияга қарши курашиш агентлиги UzAutoMotors ўтказган 1,3 млрд сўмлик давлат харидида қонун бузилиш ҳолатини аниқлади.
Хабар берилишича, ижтимоий тармоқларда UzAutoMotors томонидан 8 июль куни ўтказилган 1,3 млрд сўмлик давлат харидида аффилланган шахслар иштирок этиб, ғолиб бўлганлиги юзасидан хабарлар эълон қилинган.
Келтирилган ҳолатлар юзасидан агентлик томонидан ўтказилган ўрганишда ушбу харид жараёнида иштирок этган тадбиркорлик субъектларининг раҳбар ва таъсисчилари яқин қариндош эканлиги, шу боис мазкур жамиятлар аффилланган шахслар ҳисобланиши маълум бўлган.
Харид комиссияси томонидан юқоридаги давлат харидларини амалга оширишда Ўзбекистон Республикаси “Давлат харидлари тўғрисида”ги қонуннинг бир қатор талаблари бузилганлиги сабабли буюртмачига харид натижаларини бекор қилиш ҳақида тақдимнома киритилди.
Ўрганиш жараёнида тўпланган ҳужжатлар айбдор шахсларга қонуний чора кўриш учун ҳуқуқни муҳофаза қилувчи органга юборилди, дейилади хабарда.
Изоҳ (0)