Korrupsiyaga qarshi kurashish agentligi UzAutoMotors o‘tkazgan 1,3 mlrd so‘mlik davlat xaridida qonun buzilish holatini aniqladi.
Xabar berilishicha, ijtimoiy tarmoqlarda UzAutoMotors tomonidan 8-iyul kuni o‘tkazilgan 1,3 mlrd so‘mlik davlat xaridida affillangan shaxslar ishtirok etib, g‘olib bo‘lganligi yuzasidan xabarlar eʼlon qilingan.
Keltirilgan holatlar yuzasidan agentlik tomonidan o‘tkazilgan o‘rganishda ushbu xarid jarayonida ishtirok etgan tadbirkorlik subyektlarining rahbar va taʼsischilari yaqin qarindosh ekanligi, shu bois mazkur jamiyatlar affillangan shaxslar hisoblanishi maʼlum bo‘lgan.
Xarid komissiyasi tomonidan yuqoridagi davlat xaridlarini amalga oshirishda O‘zbekiston Respublikasi “Davlat xaridlari to‘g‘risida”gi qonunning bir qator talablari buzilganligi sababli buyurtmachiga xarid natijalarini bekor qilish haqida taqdimnoma kiritildi.
O‘rganish jarayonida to‘plangan hujjatlar aybdor shaxslarga qonuniy chora ko‘rish uchun huquqni muhofaza qiluvchi organga yuborildi, deyiladi xabarda.
Izoh (0)