Дам олиш кунлари ҳарорат яна 38-40 даражагача, жанубда 42 даражагача кўтарилиши кутилмоқда, деб хабар берди “Ўзгидромет”.
Прогнозларга кўра, 21—22 июнь кунлари фақат республиканинг тоғ олди ва тоғли ҳудудларида қисқа муддатли ёмғир ёғиши мумкин. 20—22 июнда Тошкент, Андижон, Наманган ва Фарғона водийсининг тоғ олди ва тоғли ҳудудларида сел-сув тошқин ҳодисалари юзага келиши мумкин.
Ўзбекистон бўйича баъзи жойларда шамол тезлиги 13-18 метр/секундгача кучайиши, чанг-тўзон билан кузатилиши кутилмоқда. Шимолда, жанубда ва чўл ҳудудларининг айрим жойларида шамолнинг кучайиши 20-22 метр/секундга етиши мумкин.
Тошкентда дам олиш кунлари ёғингарчилик кутилмайди. Ҳарорат шанба ва якшанба кунлари 37-40 даражагача кўтарилади.
Изоҳ (0)