Ушбу иш ҳафтаси давомида Ўзбекистон ҳудуди бўйича нисбатан нам ҳаво массаси циркуляцияси давом этади, деб хабар бермоқда “Ўзгидромет”. Ҳаво ҳарорати иқлим меъёрлари атрофида бўлади.
9 июнь куни республика бўйича баъзи жойларда қисқа муддатли ёмғир ёғади, момақалдироқ бўлиши мумкин. Шамол тезлиги 13-18 метр/секундгача кучайиши кутилмоқда. 10—11 июнь кунлари Ўзбекистоннинг шимоли-ғарбида, 10—13 июнда марказий вилоятлар ва Фарғона водийсида баъзи жойларда қисқа муддатли ёмғир ёғиши, момақалдироқ бўлиши мумкин. Республиканинг чўл ҳудудларида ва жанубида ёғингарчилик кутилмайди.
Ҳаво ҳарорати 30-35 даража атрофида, жанубда 37 даражагача иссиқ бўлади.
9 июнь ва 12—13 июнда республика бўйича шамол тезлиги 13-18 метр/секундгача кучайиши, айрим жойларда чанг-тўзон билан кузатилиши мумкин.
Тоғолди ва тоғли ҳудудларда вақти-вақти билан ёмғир ёғади, момақалдироқ кузатилади. 9 июнда ёмғир ёғади, баъзи жойларда кучли бўлади. Сел-сув тошқини ҳодисалари юзага келиши мумкин.
Тошкентда 9 июнда куннинг иккинчи ярмида қисқа муддатли ёмғир ёғиши, момақалдироқ бўлиши мумкин. 10 июнда ёғингарчилик кутилмайди. 11 июнда кечаси ва эрталаб қисқа муддатли ёмғир ёғиши мумкин, кундузи ёғингарчилик кутилмайди. 12—13 июнда бир оз қисқа муддатли ёмғир ёғиши, момақалдироқ бўлиши мумкин. Ҳарорат 9—13 июнда кечалари 21-23 даража, кундуз кунлари 33-35 даража бўлади.
Изоҳ (0)