Хонанда ва актриса Селена Гомес ўзининг Rare Beauty номли гўзаллик компанияси томонидан илк атир — Rare Eau de Parfum’ни тақдим этди. Шу пайтгача бренд декоратив косметика воситалари ишлаб чиқаришга ихтисослашган эди.

Янги атир 2025 йил 7 августдан бошлаб RareBeauty.com ва Sephora дўконларида сотувга чиқади. 50 мл флакон нархи 75 АҚШ долларини ташкил қилади. Унинг саёҳат учун мўлжалланган 10 мл варианти ҳам мавжуд.
Селена Гомес ушбу ифорни яратишда шахсан ўзи иштирок этган. Хонанда бундан аввал 20 дан ортиқ турли вариантларни синаб кўрган. Атир флакони содда ва эргономик жиҳатдан қулай тарзда ишланган. Дизайнерлар жамоаси уни оғир касаллик ёки мушаклари заиф бўлган инсонлар ҳам осонгина очиб ишлата олишига алоҳида эътибор берган.

Rare Beauty яқин йилларда ўз фаолиятини кенгайтириб, янги турдаги косметика маҳсулотларини ишлаб чиқаришни йўлга қўйишни режалаштирган. Бренд 2023 йилда 370 миллион доллар даромад кўрган бўлса, ҳозирда ушбу кўрсаткич 2 миллиард доллардан ортиқни ташкил қилмоқда. Атир савдосидан тушган даромаднинг бир қисми эса Селена Гомес томонидан ташкил этилган Rare Impact Fund жамғармасига йўналтирилади.
Изоҳ (0)