“Ньюкасл Юнайтед” ҳимоячиси Валентино Ливраментони жамоада сақлаб қолиш клуб раҳбариятининг асосий мақсадларидан бирига айланган. The Times нашрининг ёзишича, жамоа 22 ёшли футболчининг “Манчестер Сити”га ўтишига қарши.
Аввалроқ “шаҳарликлар” Ливраментони ёзги трансфер ойнасида сотиб олишни режалаштираётгани, ҳаттоки унга 65 миллион фунт стерлинг (тахминан 75 миллион евро) таклиф қилишга тайёр экани ҳақида хабарлар тарқалган эди.
Манбага кўра, “Ньюкасл” раҳбарияти футболчини жамоада сақлаб қолиш учун уни энг юқори маош олувчи футболчилардан бирига айлантиришни режалаштирмоқда. Клуб Ливраментога олти йиллик янги шартнома таклиф этишни мўлжаллаган. Ҳозирда жамоанинг энг кўп маош оладиган футболчиси — йиллик даромади қарийб 10 миллион еврога тенг бўлган бразилиялик ярим ҳимоячи Бруно Гимараеш ҳисобланади.
Маълумот учун, ўтган мавсумда Валентино Ливраменто барча мусобақалар доирасида 45 ўйинда майдонга тушиб, бир голли узатма муаллифига айланган. Унинг “Ньюкасл” билан амалдаги шартномаси 2028 йил ёзигача мўлжалланган. Transfermarkt портали ҳимоячининг қийматини 40 миллион еврога баҳолаган.
Изоҳ (0)