“Спортинг” ва Швеция терма жамоаси ҳужумчиси Виктор Дёкереш Лондоннинг “Арсенал” клуби билан шартнома шартларини келишиб олди. Бу ҳақда футбол инсайдери Николо Скира хабар берди.
Маълумотларга кўра, томонлар 2030 йил ёзигача мўлжалланган беш йиллик шартнома бўйича тўлиқ келишувга эришган. Эндиликда “Арсенал” трансфер суммаси борасида “Спортинг” билан музокараларни давом эттириши кутилмоқда.
Аввалроқ, Дёкерешга “Манчестер Юнайтед” клуби ҳам қизиқиш билдиргани ҳақида хабарлар тарқалган эди. Бироқ футболчи бу таклифни рад этган, сабаби — “қизил иблислар” кейинги мавсумда Чемпионлар Лигасида иштирок этмайди.
25 ёшли ҳужумчи ўтган мавсумда Португалия клубида ажойиб натижалар қайд этди. У лиссабонликлар сафида 52 та ўйинда майдонга тушиб, 54 та гол ва 13 та голли узатмага муаллифлик қилди. Унинг “Спортинг” билан амалдаги шартномаси 2028 йилгача мўлжалланган бўлиб, футболчининг трансфер нархи тахминан 75 миллион еврога баҳоланмоқда.
Изоҳ (0)