Туркиялик машҳур актриса Фаҳрия Эвжен Instagram саҳифасида турмуш ўртоғи ва фарзандлари билан Лондонда дам олаётгани акс этган суратларни эълон қилди.
Суратларда Фаҳрие Эвжен, унинг эри — актёр ва модел Бурак Ўзчивит ҳамда икки фарзанди — Каран ва Керем тасвирланган.
“Биз Лондонда йўқолиб қолдик”, деб ёзган Фаҳрие суратлар остига.
Суратларда Ўзчивитлар дам олиш вақтини мароқли ўтказаётгани ва Лондоннинг диққатга сазовор жойлари акс этган. Ижтимоий тармоқ фойдаланувчилари машҳур жуфтликка мароқли дам тилаб, уларнинг самимий суратларига ижобий изоҳлар қолдиришди.
Бурак Ўзчивит ва Фаҳрие Эвжен — Туркиянинг энг машҳур жуфтликларидан бири ҳисобланади. Улар “Чолиқуши” телесериалини суратга олиш жараёнларида танишган ва шундан кейин учраша бошлаган. Вақт ўтиши билан жуфтликнинг ўртасида муносабатлар мустаҳкамланиб борди ва улар оила қуришга қарор қилган.
Ҳозирда улар икки нафар фарзанди — Каран ва Керем исмли ўғиллари тарбияси билан машғул. 2019 йилда катта ўғли Каран туғилган, 2023 йилда кичик ўғли дунёга келган.
Изоҳ (0)