Венгрия парламенти 14 апрель куни мамлакат конституциясига “инсон ё эркак, ё аёл” деган ўзгартириш киритишни ёқлаб овоз берди. Бу ҳақда Deutsche Welle хабар берди.
Депутатлар томонидан қўллаб-қувватланган қонунчиликдаги яна бир ўзгариш мамлакатда LGBT тадбирларини, шу жумладан, Budapest Pride парадини ўтказишни тақиқлашдир.
Венгрия никоҳ институтини эркак ва аёл ўртасидаги ихтиёрий иттифоқ сифатида, шунингдек, оилани миллат мавжудлигининг асоси сифатида ҳимоя қилади. Оила никоҳга, ота-оналар ва болалар ўртасидаги муносабатларга асосланади. “Инсон ё эркак, ё аёл. Ота — эркак, она — аёл”, дея Венгрия конституциясига тузатишлар киритилди.
Таъкидланишича, тегишли тузатишларни 140 нафар парламентарий қўллаб-қувватлаган, 21 нафар депутат эса уларга қарши фикр билдирган. Бундан ташқари, тегишли ўзгаришларни Венгрия бош вазири Виктор Орбан ва унинг FIDES партияси қўллаб-қувватлаган. Венгрия парламенти биноси олдида тузатишлар бўйича овоз бериш чоғида мухолифатнинг кўплаб тарафдорлари норозилик билдирган.
Венгрияда LGBT парадларини ўтказишни тақиқлаш
18 март куни Венгрия парламенти мамлакатда ҳар йили ташкиллаштириладиган LGBT намойишларини ўтказишни тақиқлади. Ҳукумат бу чорани, биринчи навбатда, болаларни гомосексуаллик мавзуси билан алоқа қилишдан ҳимоялаш истаги билан асослади.
14 апрелда қабул қилинган Венгрия конституциясига киритилган тузатишлардан бирида болаларнинг “руҳий ва ахлоқий ривожланишини” ҳимоя қилишни асосий ҳуқуқ сифатида белгилашни назарда тутади, бу барча бошқа асосий ҳуқуқлардан, ҳаётга ҳуқуқдан ташқари, устун бўлади.
Танқидчилар бу, асосан, йиғилиш эркинлиги ҳуқуқининг аҳамиятини йўқотишини англатишини таъкидламоқда.
Изоҳ (0)