Ижтимоий тармоқларда хитойлик фуқароларнинг Тошкент шаҳар Чилонзор тумани Миллий боғда баннерлар билан тўпланиб, “митинг” қилаётгани ҳақида видео тарқалди. ИИВ бу ёлғон эканини билдирди.
ИИВ муносабатида келтирилишича, жорий йилнинг 15 февраль куни Huawei компаниясининг ишчилари доимгидек шанба ва якшанба кунлари югуриш акциясини ўтказган. Баннерларда хитой тилида “Спорт соғлиқ гарови, сиз ҳам югуриб соғлом бўлинг” ёзувлари бўлган.
Бундан аввал Тошкент шаҳрида 9 май куни юздан ортиқ шахс “Биродарлар қабристони”да Ўзбекистон ССР байроғи остида юриш қилган эди. “Бу ерда жамоат тартиби бузилмаган, фуқаролар пиёдалар йўлакчасида юришибди. Бу оммавий тадбир эмас”, дея изоҳлаган эди Тошкент шаҳар ИИББ ахборот хизмати раҳбари Нилуфар Исахонова.
Ўзбекистонда ёлғон хабар тарқатиш (сохта янгиликлар) ва дисинформатион (ахборот нотўғри ёки манипулятив тарзда тарқатиш) жиддий ҳуқуқбузарлик сифатида қаралади. Бунинг олдини олиш ва бундай хатти-ҳаракатларни жазолаш учун турли қонуний чора-тадбирлар мавжуд.
Хусусан, интернет орқали ёлғон маълумотлар тарқатиш ҳам жиддий жазоларга олиб келиши мумкин. Бу, айниқса, ижтимоий тармоқларда ёки онлайн платформаларда сохта маълумотлар тарқатиш билан боғлиқ бўлади.
Изоҳ (0)