Шаҳрисабзда Ўзбекистон Экологик партиясининг сайловолди оммавий тадбири ўтказилди

Партия сайловолди дастуридаги вазифаларни кенг оммага етказиш ва тарғиб қилишга қаратилган тадбир эл суйган санъаткорлар иштирокида янада қизиқарли ўтди.

“Табиат учун бирлашайлик!” “Соғлом келажак учун!” “Халқимиз яшилликни танлайди!” каби шиорлар билан кенг жамоатчилик Экологик партияни қўллаб-қувватлашини, партиянинг дастурий мақсадлари ҳаётий зарурат ва бугунги кун учун нақадар муҳимлигини қизғин намоён этишди.

Оммавий тадбирда партия раиси барчани жорий йилнинг 27 октябрь куни бўлиб ўтадиган сайловларда фаол иштирок этишга чақирди.

Партиянинг Сайловолди дастурида вилоят, бу ерда яшаётган аҳолининг экологик ҳуқуқларини таъминлаш, тоза ва мусаффо ҳаёт кечиришлари учун шарт-шароитлар яратишга катта эътибор қаратилган. Хусусан, шаҳарларда бино ва кўп квартирали уйлар қурилишини мажбурий тартибда жамоатчилик муҳокамасидан ўтказиш механизмини қонунда аниқ белгилаш, 2030 йилга қадар йирик шаҳарларда йўловчиларнинг велосипедда ҳаракатланиш улушини 20 фоизга етказишни ўз олдига мақсад қилиб қўйгани қайд этилди.