Shahrisabzda O‘zbekiston Ekologik partiyasining saylovoldi ommaviy tadbiri o‘tkazildi

Partiya saylovoldi dasturidagi vazifalarni keng ommaga yetkazish va targ‘ib qilishga qaratilgan tadbir el suygan sanʼatkorlar ishtirokida yanada qiziqarli o‘tdi.

“Tabiat uchun birlashaylik!” “Sog‘lom kelajak uchun!” “Xalqimiz yashillikni tanlaydi!” kabi shiorlar bilan keng jamoatchilik Ekologik partiyani qo‘llab-quvvatlashini, partiyaning dasturiy maqsadlari hayotiy zarurat va bugungi kun uchun naqadar muhimligini qizg‘in namoyon etishdi.

Ommaviy tadbirda partiya raisi barchani joriy yilning 27-oktyabr kuni bo‘lib o‘tadigan saylovlarda faol ishtirok etishga chaqirdi.

Partiyaning Saylovoldi dasturida viloyat, bu yerda yashayotgan aholining ekologik huquqlarini taʼminlash, toza va musaffo hayot kechirishlari uchun shart-sharoitlar yaratishga katta eʼtibor qaratilgan. Xususan, shaharlarda bino va ko‘p kvartirali uylar qurilishini majburiy tartibda jamoatchilik muhokamasidan o‘tkazish mexanizmini qonunda aniq belgilash, 2030-yilga qadar yirik shaharlarda yo‘lovchilarning velosipedda harakatlanish ulushini 20 foizga yetkazishni o‘z oldiga maqsad qilib qo‘ygani qayd etildi.