Кеча Ўзбекистон Экологик партияси Марказий кенгаши раиси Абдушукур Хамзаев Навоий вилоятида партия электорати вакиллари ҳамда сайловчилар билан учрашди.
"Табиат учун бирлашайлик" шиори остида ўтказилган учрашувда партия фаоллари, экологлар, қишлоқ хўжалиги ва ўрмончилик соҳаси вакиллари, атроф-муҳитга бефарқ бўлмаган ёшлардан иборат 300 га яқин сайловчилар иштирок этди.
Учрашувда партиянинг атроф-муҳитни муҳофаза қилиш, аҳоли саломатлиги сақлаш, "яшил" иқтисодиётга ўтиш ва "яшил" энергетикани ривожлантириш, озиқ-овқат хавфсизлигига эришиш ва биохилма-хилликни сақлашга қаратилган келгуси беш йилликдаги устувор вазифалари ҳақида сўз юритилди.
Изоҳ (0)