Даниэль Дюбуа Энтони Жошуани нокаутга учратиб, IBF камарини ўзида сақлаб қолди

Лондон шаҳрининг “Уэмбли” стадионида 21 сентябрь куни катта бокс оқшоми бўлиб ўтди.

Кечанинг асосий жанги оғир вазн тоифасида IBF камари учун Даниэль Дюбуа (22-2) ҳамда Энтони Жошуа (28-4) ўртасида кечди. Дюба 5-раундда Жошуани нокаутга учратиб, IBF камарини ўзида сақлаб қолди.

Шунингдек, Тайлер Дэнни (19-3-3) Ҳамза Ширазга (21-0) қарши жанг қилди. Шираз 2-раундда техник нокаут эвазига ғалаба қозонди.

Кечанинг бошқа жанглари:

• Жошуа Буаци (19-0) Уилли Ҳатчинсонни (18-2) очколар эвазига мағлуб этди;
• Энтони Какаче (23-1) Жош Уоррингтонни (31-4-1) ҳакамлар қарорига кўра мағлубиятга учратди;
• Жош Келли (16-1-1) Исмаил Дэвис (13-2) устидан ҳакамлар қарорига кўра ғалаба қозонди;
• Жош Педли (15-0) Марк Чемберленни (16-1) очколар эвазига таслим этди.