Ўзбекистондан Москвага учган икки авиарейс бошқа аэропортларга йўналтирилди, деб хабар бермоқда Uzbekistan Airways.
![](/static/2024/09/10/sam-D0lq_P8_.jpg)
Маълум қилинишича, техник сабабларга кўра ҳамда Москвадаги Внуково халқаро аэропортининг ёпилгани сабабли Uzbekistan Airways’нинг қуйидаги авиақатновлари:
- HY9607 Бухоро – Внуково рейси Самара халқаро аэропортига
- HY9615 Урганч – Внуково рейси Санкт-Петербург халқаро захира аэропортларига йўналтирилди.
Шунингдек, Uzbekistan Airways авиакомпаниясининг Москвадан ортга қайтувчи авиақатновлари кечикиш билан амалга оширилиши кутилмоқда. Юзага келган ноқулайликлар учун узр сўралди.
Бундан аввал ҳаво кемасининг кеч келиши муносабати билан Тошкент—Анталия—Тошкент HY3223/3224 йўналиши бўйича парвоз ўзгартирилган жадвал бўйича амалга оширилгани ҳақида хабар берилганди.
Изоҳ (0)