Multfilmlarni hamma yaxshi ko‘radi — bolalar ham, kattalar ham. Buni “Boshqotirma-2”ning premyerasi isbotladi. Bugun e’tiboringizga shu yil ko‘rish kerak bo‘lgan boshqa multfilmlarni ham taqdim etamiz.
“Orion va zulmat”
Orion ismli bolakay hamma narsadan qo‘rqadi: qizlardan, jamoa oldidagi mas’uliyatdan, darsda noto‘g‘ri javob berishdan. Ayniqsa, zulmatdan. Bir kuni Zulmat Orionga uni sayohatga olib chiqish orqali u umuman qo‘rqinchli emasligini ko‘rsatish uchun keladi.
“Kung-fu panda-4”
Ustoz Shifu Poni Ajdarho jangchisi bo‘lishdan voz kechib, Tinchlik vodiysining ruhiy yetakchisi bo‘lishga taklif qiladi. Ammo panda o‘zining tashqi qiyofasini o‘zgartirishga va boshqa kung-fu ustalarining uslubiga taqlid qilishga qodir bo‘lgan yangi dushman — Buqalamunni mag‘lub etish uchun jang qilishi kerak.
“Garfild”
Garfild to‘satdan otasi — ko‘cha mushugi Vik bilan uchrashadi. Qahramonlar birgalikda sayohatga chiqishadi va ularga Garfildning it do‘sti Odi hamrohlik qiladi. Yangi multfilmda malla mushukka Kris Pratt ovoz bergan.
“Boshqotirma-2”
“Boshqotirma-2”ni Pixar’ning bir qator muvaffaqiyatsiz loyihalaridan so‘ng inqirozdan chiqishga bo‘lgan yangi urinishi desa ham bo‘ladi. Multfilmda Rayli katta bo‘ladi va uning boshida yangi his-tuyg‘ular paydo bo‘ladi. Ular orasida apelsinrang Xavotir, Hasad, Befarqlik va Uyatni ham ko‘rish mumkin.
“Yaxshi bo‘lish osonmi 4”
Gryu, Lyusi va ularning qizlari Margo, Edit va Agnes — otasini qiynoqqa solishga qaror qilgan oilaning yangi a’zosi kichik Gryuni kutib olishadi. Gryu Maksim Le Mal va uning xavfli sevgilisi Valentina timsolida yangi dushmanga duch keladi va shuning uchun oila boshqa shaharga qochishga majbur bo‘ladi.
“Uzuklar hukmdori”
“Yolg‘izlik sindromi” filmi rejissori Kenji Kamiyama “Uzuklar hukmdori” filmiga asoslangan animega rejissorlik qildi. Voqealar Piter Jekson filmlaridagi voqealardan bir necha asrlar oldin sodir bo‘ladi va sujetda Rohanning afsonaviy qiroli Helm Hammerxand haqida hikoya qilinadi.
“Mufasa: Qirol sher”
“Mufasa: Qirol sher” original hikoyaning oldingi qismidir. Film voqealari Mufasaning bolaligi va Skar bilan munosabatlari haqida tafsilotlarni ochib beradi.
“Ultraman: cho‘qqi sari yo‘l”
Beysbolchi Ken Sato afsonaviy qahramon Ultramenning qudratiga ega bo‘ladi. Tez orada unga g‘ayrioddiy vazifa beriladi: qahramon o‘z dushmanining bolasi — ajdahoga o‘xshash kayzyuni tarbiyalashi kerak.
Izoh (0)